ادخل و لا تندم ....نكت روووووووووووووووووووعة متنوعة

إضحكوا مع .................انفال.................

واحدة ضاع ابنها
الناس قالولها ماتخفيش الحلال مابيضعش
قالت يالهوى ضاع الولد.

ناظر اتجوز وزع على المعازيم ارقام جلوس.

واحد مستعجل اتجوز واحدة مستعجلة
خلفوا واحد مش فاضيلهم.

ندل راح المقابر شغل شريط الحياة حلوة .

واحد كريم اتجوز واحدة كريمة خلفوا ولد واعطوه للجيران.

سودانى اتجوز سودانية خلفوا ولد اشقر وعيونه زرق
سموه المستحيل.

واحد احول استقبل ابوه فى المطار....
باس الشنطة وشال ابوه .

فيه عجوز راحت تعزي ناس .
قالت لهم :" كيف مات أخوكم ؟
قالوا لها : كان واحد من أصحابه يمزح معاه بمسدس ..
فطلعت رصاصة بالغلط على راسه
قالت العجوز : ايه .. الحمدلله إل ما جت في عينه

فيه جندي دايماً يسكر،
جاله ضابط يقوله : بطل الشرب علشان نرقيك .....
قال الجندي : أصلاً إنا لمابشرب أحس إني عقيد

المدرس : كم حاصل ضرب واحد في ثلاثة ؟
التلميذ : ثلاثة ـ ثم أعطاه المدرس ثلاثة ريالات
فقال التلميذ : ليتني قلت عشرة

مدرس بيقول للتلاميذ
اكتبوا ورايا
ذهب محمد إلى مصيف بلطيم يوم الأربعاء
فطالب سأله
لو سمحت يا أستاذ هي الهمزة علي السطر ولا على ألف،
سكت المدرس شوية وبعدين قاله خلاص يا ابني خليها الخميس

واحد واقف أمام محل عصير ومعهوش غير 25قرش
قال اشرب عصير ولا اركب الأوتوبيس
لو ركبت الأوتوبيس يا هقف يا هقعد،
لو وقفت مش مشكله لو قعدت هقعد جنب راجل أو ست،
لو, راجل مش مشكله لوست يا هتبقي حلوه أو وحشه،
لو وحشه مش مشكله لو حلوه هطلبها للجواز،
لو رفضت مش مشكله لو وافقت
هدفع لها مهر وشبكه وهتخلف عيال ياخدو فلوسي ويطلعوا عيني، وعلي إيه مشرب عصير أحسن

مرة مدرس دخل الفصل
فقال للتلاميذ يعيش السمك في الماء
رد التلاميذ يعيش يعيش يعيش

مرة دكتور راح مستشفى المجانين
لقى كل العيانين بيتنططوا على السرير,
لقى واحد قاعد لوحدة
راح ساله قالة هما بيعملوا كدة لية ،
رد عليه وقال لة فاكرين نفسهم فى حله فشار
قالة وانت قاعد كدة لية
قالة اصلى لزقت فى قعر الحله

وحده اديت صاحبتها بغبغاء هديه
تاني يوم سالتها عن البغبغاء
قالتلها عادي زي طعم الفراخ

بخيل واقف فى البلكونة...
ابنه جاى من بعيد يقول له بابا بابا بابا ...
قاله:
يا ابن الكلب بابا واحده كفاية

مرة ديك بقول لفرخة
تتجوزيني عرفي
قالت لة ده بابا يدبحني

مرة واحدة ست بتقول لجارتها الحقيني
يا أم محمد بعت جوزي يجيبلي ملوخية
راح مخبوط بأتوبيس ...
يالهوي وعملتي إية ..
عملت بامية وامري لله

اتمنى تعجبكم ومنتظر الرد منكم بعد الضحك هاهاهاهاهاهاها