تذكرني حبيبي / قصيدة حزينة

..تذكر يوم أقولك جسد يحتوي روحين..

.. وأوعدك ما أخليك وتوعدني ما تخليني..

..أذكر يومها أشوف بالدنيا بس اثنين ..!

.. قلبي اللي يحبك وقلبك اللي يحويني ..

..بعدها بأيام شفت ايدك تحتضن ايدين ..

.. وانصدمت يوم شفت إنها غير ايديني ..

..سكت لجل خاطرك وقلت مرحبا بالزين ..

.. مرحبا باللي القلب لجله حيل كاويني ..

..مر يوم واسبوع وشهر وبعدها بشهرين ..

.. وهو لازال مايدري بإني شفته بعيني ..

..وأخاف إني أقوله له خاين وينجرح بعدين ..

.. وأخاف أسكت وبسكوتي صمتي حيل يشقيني ..

..واجهته وأنا أبكي والعين تحتضن العين ..

.. سألته : ليه تنساني ؟ ولى ماكنت تغليني ؟؟

..سكت ولفّ عني وخبى وجهه بالإيدين ..

.. اللي كانت تحضني وغيرها ما تدفيني ..

..سحبت أيدينه و مسحت الدمع على الخدين ..

.. وقلت له والله أحبك ولو إنك تخليني ..!

..سكت فتره وقال لي : لازلتي تحبيني ؟؟

.. بعد اللي تشوفينه لا زلتي تحبيني ؟؟

..ابتسمت وقلت أنت ماعرفت للحين ..

.. إني أحبك حيل واللي يرضيك يرضيني ..

..سكت فتره وأنا أعاود فرحة بقت لسنين ..

.. وتركته وتركت حبه اللي بقى فيني ..

..وصارت الدمعة إذا هلّت أقول أهلين ..

.. والبسمة هجرتني ونست دربها فيني ..

..بعدها بأيام سمعت خبر والله شين ..

.. سمعت إنه مااااااااااات وهو يطلب يلاقيني ..

.. ويوم إني رحت .. وصيته لي بورقتين ..
.. الأولى فيها اسمي كتب بدمه يغليني ..

والثانيه يقول فيها: أبي أوضحلك شيئين ..

.. الأول أحبك حيل وماسكن غيرك شراييني ..

..والثاني أمانه لا جيتي لأهلي تعزيّن ..

.. لا تنزل دموعك لي طلبتك لاتبكيني ..

..كل اللي أبيه إنك بالخير لي تدعين ..

.. وإنك بالشهر مره بقبري تزوريني ..

..واللي أبيك تعرفيه ومهم إنك تعرفين ..

.. اللي شفتيها معي كانت بموتي تبشّرني ..

..انا اللي خليتك من كيفي عني تبعدين ..

.. لجل ما ينجرح قلبك بلحظة موت تحويني ..

..تكفين لا تظنين إني خنتك ياالغلا تكفين ..

.. وإذا لازلتي تحبيني دايم بالخير ذكريني ..

..سكت وقلت : ياليتني ظليت معك يازين ..

.. وشفت الموت ياخذك مني ولاكذا تخليني ..

..تظنون إني نسيت أو الدمع جف بالعين ؟!

.. لا والله إلين اليوم وهو معي يخاويني ..

..لو تدور الدنيا ولو تمر بعدها سنين ..

.. ما نسيته لو أشوف أحفااادي حواليني ..

مما راق

لي،،،

عدد المساهمات : 481 تاريخ التسجيل : 07/04/2010

كلمات مؤثرة جدا عزيزتي مجرؤوؤحة وخلت الدمع يتغلغل بعيني تذكرني حبيبي / قصيدة حزينة 632751

عدد المساهمات : 514 تاريخ التسجيل : 21/01/2010

كلمات روعه يالغاليه

مشكورة ويعطيك الف عافيه

لاتحرمينا من جديدك المميز

تقبلي مروري ...

وردة

ســاره ,,, نــاديــن ..
نورتوا متصفحــي صبايــا ...
لاتحرمونــي من هالطلــه..
لكــم منـي أرق وأجمـل التحايا..

» قصيدة بلقيس بصوت نزار قباني { قصيدة رائعة }
» اشتقت لك حبيبي
» حلف بيدي القلم بعدك حبيبي يصوم
» قصيدة
» حبيبي ياوردة العمر الجميل